السلام عليكم ورحمة الله وبركاته
بسم الله الرحمن الرحيم
يمكن مايكون هاالموضوع ذاك الفائدة الي دايم اكون مركز عليها
في اغلب ماارمي اليه لكن توضيح بسيط يمكن يكون البعض يجهله وحبيت
اوضحة عشان الفائدة لنا سواء رجال او نساء
اقتباس:
عطور وماركات Givenchy جيفنشي scada سكادا CHANEL شانيل
الكل عارف هاالماركات العالمية ويمكن تكون الأميز في عالم
تصنيع العطور
يااخوان كل العطور الي موجوده في السوق عندنا هي اماراتيه
يعني تصدر من دبي ولاهي اصلية لافي جودتها ولا في ريحتها وثباتها
المحلات الوحيدة الي تنزل فيها مثل هاالماركات والماركات الأخرى
ان خابني الفكر ولا ذكرتها تكون في
( باريس غالري - فيسس - فينيسيا - قزاز - بقشان )
غير هاالوكلاء لاتدور الأصلي وريح مخك من الحين
مااظلم البقية لكن هذي المحلات الي تضمن الي تشتريه
صحيح انا معكم تفرق في السعر بشكل كبير وواضح لكن تاخذلك شي
وانت مغمض ومرتاح انك ماانغشيت
باالنسبة لي ازيد دبل السعر واخذ اصلي على اني انخم في شي تجاري
وابو بخة وتاخذلك فرة على مجلسكم وطست الريحة
كمثال :
عطر جيفنشي هوت ( عطر نسائي لكن شي رايق ) وجرب وشوف
انا استعمله حالياً سعره في باريس غالري بحول 450 الـ 100 مل
وفي قزاز بـ 328 ريال سعودي الـ 100 مل
والمحلات التجارية العادية يتراوح بين 140 و 170 ويمكن اقل
لكن حتى لو تثبت ريحته مابيكون زي جودة الأصلي انا جربت
ابو 170 والي في باريس وقزاز فرق واضح مع انك ماتفرق
بين الاصلي والتقليد
طبعاً تشوفون فرق في السعر لكن هذا على حسب مكان المحل ان كان
في الراشد بيكون زايد شوي عشان الأجار وان كان في مكان ثاني
بيكون ارخص وانت شف الأرخص بين الموزعين الأصليين واشتره يعني
لاتخليك زي مناحي
اتمنى اني قدمت ولو الفائدة البسيطة ولاتحرموني من الدعاوي